Grepi.al - Platforme e sigurte per shitje dhe blerje online
Liberalë dhe komunitarë

Libra dhe CD / Shkenca politike

Liberalë dhe komunitarë

nga Botimet Dudaj

1.200 Lekë

Stephen Mulhall & Adam Swift

Liberalë dhe komunitarë

Përktheu: Krenar Hajdëri

Nr. faqe: 460

ISBN 978-99943-0-243-7

“Një libër i shkruar qartë e kuptueshëm, që mund t’u rekomandohet në mirëbesim studentëve të rinj.”

Political Studies

Gjatë dekadës së shkuar, një prej sfidave më të debatuara e më me ndikim, me të cilën është ndeshur teoria politike liberale, ka qenë ajo e një numri studiuesish të ashtuquajtur ‘komunitaristë’. Duke u përqendruar kryesisht mbi elementet filozofike dhe metafizike të varianteve liberale rreth drejtësisë, këta kritikë kanë argumentuar se variantet liberale hamendësohen mbi një koncept të mangët rreth individit dhe marrëdhënies së tij me komunitetin, gjë që ka rezultuar në një shikim të ngushtë për rolin e shtetit.

Në këtë botim të dytë, të rishikuar dhe të zgjeruar të tekstit të tyre të mirënjohur, Stephen Mulhall dhe Adam Swift na japin një vështrim të përgjithshëm të përditësuar të zhvillimeve të reja në këtë debat. Duke filluar me një analizë të “Teorisë së drejtësisë” të John Rawls-it, libri vijon më tej me një paraqitje të qartë të veprës së komunitaristëve kryesorë – Michael Sandel, Alasdair MacIntyre, Charles Taylor dhe Michael Walzer. Më pas, libri sjell një vlerësim, në thelb të rishkruar e të zgjeruar, rreth punimit më të fundit të Rawls-it, sikundër paraqitet në librin e tij të fundit, “Liberalizmi politik”. Vëmendje e veçantë u kushtohet mënyrave sipas të cilave ai i përgjigjet kritikës komunitariste. Pjesa e fundit e librit shqyrton punimet e tre teoricienëve të tjerë liberalë, që trajtojnë pikërisht këto çështje; vepra e Ronald Dworkin-it përfshihet këtu për herë të parë, së bashku me atë të Richard Rorty-t dhe Joseph Raz-it. Të gjitha këto na japin kuadrin për të hetuar rreth mënyrave të ndryshme, sipas të cilave mendimi politik liberal mund të pretendojë të jetë asnjanës midis koncepteve të së mirës.

I qartë dhe i kuptueshëm në stil, shoqëruar me një listë temash dhe çështjesh, ky botim i ri do të vijojë të mbetet një ndihmë e domosdoshme për studentët e teorisë politike bashkëkohore.

Stephen Mulhall është lektor i filozofisë në Essex University dhe docent në All Souls College, Oxford.

Adam Swift është docent në politikë dhe sociologji (Balliol College, Oxford)..