Grepi.al - Platforme e sigurte per shitje dhe blerje online
Kush jam unë - dhe nëse po, sa shumë?

Libra dhe CD / Filozofi - Sociologji

Kush jam unë - dhe nëse po, sa shumë?

nga Botimet Dudaj

1.200 Lekë

Richard David Precht
Kush jam unë - dhe nëse po, sa shumë?
Rrugëtim filozofik
Përktheu: Rezarta Reimann
Redaktoi: Sejdin Cekani
Nr. faqe: 388
ISBN 978-99943-0-310-6
Richard David Precht, filozof, publicist dhe autor, ka lindur në Solingen (Gjermani) në vitin 1964. Ai ka mbaruar doktoraturën në Universitetin e Köln-it në vitin 1994 dhe që prej asaj periudhe punon për thuajse të gjitha gazetat më të mëdha gjermane si dhe stacione të ndryshme radio-televizive. Precht ka qenë bursist pranë "Chicago Tribune".Në vitin 2000 ai u vlerësua me çmimin publicistik për biologjinë mjeksore. Ka shkruar dy romane dhe disa libra të fushës. Richard David Precht jeton në Köln dhe Luxemburg.

Çfarë është e vërteta? Nga e di unë, se kush jam unë? Përse duhet të jem i mirë?

Libra mbi filozofinë ka shumë. Por libri i Richard David Precht: "Kush jam unë? Dhe nëse po, sa shumë?" është krejt i ndryshëm nga librat e tjerë prezantues të filozofisë. Askush më parë nuk ka mundur ta orientojë lexuesin drejt çështjeve të mëdha filozofike, plot dije të pasura, kompetencë dhe njëkohësisht në mënyrë kaq tërheqëse dhe elegante. Një rrugëtim i pakrahasueshëm në tërësinë e parrokshme të dijeve tona mbi njerëzimin. Duke e nisur me hulumtimin e trurit për të ecur më tej me psikologjinë dhe filozofinë, Precht na përcjell në këtë rrugëtim njohuritë më të fundit në këto fusha.

Si një mozaik përçohet kështu hap pas hapi një figurë e mahnitshme, pikërisht ajo që shkencat e ndryshme kanë krijuar sot mbi njeriun. Një rrugëtim zbulues drejt vetvetes: i zgjuar, plot humor dhe zbavitës!

Libri i Precht-it bën një prezantim të gjerë të fushave nga më të ndryshmet dhe është një ndihmë orientuese e pashembullt në tërësinë e parrokshme të dijes sonë njerëzore:një ftesë për të reflektuar këndshëm, si në një lojë - mbi aventurën jetë dhe mundësitë e saj!