Grepi.al - Platforme e sigurte per shitje dhe blerje online
Perënditë kanë etje

Libra dhe CD / Letërsi e Huaj

Perënditë kanë etje

nga Shtepia Botuese Dituria

750 Lekë

Autori: Antol Frans
750 lekë
ISBN 99927-59-37-2

Perënditë kanë etje, që mund të konsiderohet një roman historik, i vendos ngjarjet në periudhën e Revolucionit Francez të vitit 1793. Ngjarjet e romanit zhvillohen në momentin më dramatik të Revolucionit, nga prilli 1793 deri më 27 korrik 1794, duke përfshirë gjithë periudhën e diktaturës jakobine. Autori evokon jetën e Parisit revolucionar të asaj kohe, duke pasqyruar me mjeshtëri epokën historike dhe koloritin e saj. Ai krijon figura të paharrueshme, si Gamëleni, dashnorja e tij Elodia, xha Brotoi, at Longëmari, Luiza Roshëmor, qytetar Blezi dhe plot të tjerë, që plotësojnë tablonë realiste, tërheqëse dhe bindëse të të gjithë romanit. Anatol Frans vë përballë vendosmërinë dhe energjitë e jakobinëve, të bindur plotësisht në domosdoshmërinë e shpëtimit të atdheut me çdo mënyrë dhe nga ana tjetër, gabimin tragjik të jakobinëve, që përdorën pa masë terrorin revolucionar. Ky mendim mishërohet artistikisht në figurën e Gamëlenit. Fati tragjik i Gamëlenit pasqyron fatin e Revolucionit. Simboli i tij poetik është figura antike e Orestit, hero i sfilitur, hakmarrës dhe vrasës; xhelat dhe viktimë. Thelbi i figurës së Gamëlenit shprehet në fjalët e tij: “Vogëlush, ti do të rritesh i lirë, i lumtur dhe këtë do ta kesh prej Gamëlenit të poshtër. Unë jam mizor, që të jesh i lumtur ti; jam zemërgur, që të jesh i mirë ti; jam i pamëshirshëm, që nesër të përqafohen të gjithë francezët duke derdhur lot gëzimi.”