Njëqind e nëntëdhjetë e tre kafazet

Rezart Palluqi

Njëqind e nëntëdhjetë e tre kafazet

Roman

Nr. faqe: 240

ISBN 978-99943-0-394-6

Çmimi: 800 lekë

Një autor i ri shqiptar që jeton jashtë Atdheut, një vepër me një rrëfim tërheqës që sjell një natyrë të re interesante të perceptimit të botës.

Boshti narrativ i autorit sillet rreth kryeprotagonistit Ylli, që është një emigrant shqiptar dhe rreth të cilit, në formë thriller-i, ai zbraz të tërë etosin e tij fabuloz e që ka të bëjë me një dashuri fatale... U mbetet lexuesve ta lexojnë duke u ndarë të kënaqur.

Prof. dr. Nehas Sopaj – Universiteti i Shkupit

Autori, ngaqë i njeh më së miri mekanizmat e diktaturës dhe jo vetëm duke dashur të bëjë një akt intelektual, por përmes një frymëzimi dhe realizmi artistik, bën një monument detajor të saj, një muze virtual të dhunës shpirtërore dhe formave të tjera saj. Makrotema e këtij romani është raporti i individit me atdheun, me atdheun komunist, raport që, si një rrjet, ngulfat gjithë aortat e jetës.Prof. asoc. dr. Dije Demiri-Frangu, Universiteti i Prishtinës

Rezart Palluqikalindur në qytetin e Elbasanit në vitin 1976.

Në vitin 1991 e ndërpreu shkollën e mesme ngaqë emigroi drejt Greqisë.

Atje punoi e jetoi deri në vitin 2005, ku përveç punësimit shkroi në greqisht poezi dhe ese që u botuan në gazetat lokale greke, por edhe në disa revista të njohura.

Në vitin 2005 emigroi në Holandë, ku edhe jeton e punon.

Shkruan poezi në holandisht dhe që nga viti 2006 është anëtar i Klubit Poetik holandez të qytetit ku jeton dhe merr pjesë rregullisht në veprimtaritë poetike të qytetit, por edhe më gjerë.

Romai i tij i dytë, "Dallëndyshet pa fole", është duke u përkthyer në holandisht dhe do të botohet së shpejti nga një shtëpi botuese holandeze.

Romani “Njëqind e nëntëdhjetë e tre kafazet”është romani i tij i tretë në gjuhën shqipe.