Grepi.al - Platforme e sigurte per shitje dhe blerje online
Stasiland

Libra dhe CD / Letërsi e Huaj

Stasiland

nga Botimet Dudaj

1.200 Lekë

Anna Funder

Stasiland

Histori nga ana tjetër e Murit të Berlinit

Përktheu: Taqo Trajçe

Nr. faqe: 336

ISBN 978-99943-0-324-4

Çmimi: 1200 lekë

“Në një rrëfenjë të hulumtuar mirë e të personalizuar, Funder... ka për qëllim të eksplorojë e të shpjegojë Gjermaninë Lindore ashtu siç është tani. Me syrin e shpejtë të një të huaji kureshtar, ajo ia del mbanë të shkëputë përshtypje vetjake të një portretizimi herë tronditës, herë të çuditshëm dhe shpesh zbavitës të një vendi që, me gjithë arritjet e pamohueshme nga viti 1989, ende vazhdon të jetë një botë paralele brenda Gjermanisë së bashkuar.”

Financial Times

“Funder ka mbledhur histori jete mbresëlënëse të viktimave dhe të autorëve të krimit në një vend të ndarë. Historitë e tyre i tregon bukur.”

Indipendent

“Ilustron shkëlqyeshëm që Gjermania Lindore e Luftës së Ftohtë ishte një vend i çuditshëm, i tmerrshëm e tejet mizor. Sikurse për tmerrin, Funder shkruan në mënyrë mbresëlënëse edhe për absurditetet e Stasi-t.”

Evening Standard

Stasiland është rrëfim i shkëlqyer i një hulumtimi pasionant për një histori brutale që është në procesin e humbjes, të harrimit dhe të shkatërrimit. Është kryevepër e analizës investigative, i shkruar pothuajse si roman, me një përzierje të përkryer të dhembshurisë dhe ftohtësisë. Në hyrjen mahnitëse të librit, ajo përshkruan veten që endet me dhimbje koke nëpër Berlin dhe përplaset pas sendeve në rrugë: ‘Nesër në lëkurë do të më shfaqen blana, si fotografi nga një negativ.’ Është një përshkrim i përkryer i efektit të habitshëm që Stasiland ka mbi lexuesin: një kuptim me lëvizje të ngadalësuar i dekadave të dhimbjes e mizorisë njerëzore.”

Elena Lappin, Sunday Times

“Në ‘Stasiland’, Funder përpiqet me zell të kuptojë një regjim si ai i Republikës Demokratike Gjermane nëpërmjet historive të burrave e grave të zakonshme. ...rezultati është një akt i frikshëm jetëdhënës për një popull – 17 milionë njerëz – të cilëve deri tani u ka munguar jo vetëm një zë, por edhe një audiencë.”

Nicholas Shakespeare, Daily Telegraph

Stasiland na çon në një udhëtim të zymtë në një vend ku raporti ndërmjet vëzhguesve dhe të vëzhguarve ishte edhe më i lartë se ai i sovjetëve nën komunizëm.”

The Times

“E joshur dhe e sprapsur nga bota mitike e humbur e Berlinit të Luftës së Ftohtë, Anna Funder e rindërton atë duke vizituar dhomat e torturave dhe duke takuar qytetarët e tij. Një histori që të mbërthen, për një qytet që kërkon identitetin e tij nën peshën e papritur të lirisë.”

Scotland on Sunday

Anna Funder lindi në Melburn më 1966 dhe u rrit atje e në Paris. Ka punuar si juriste ndërkombëtare dhe producente në radio e televizion. Më 1977 ishte shkrimtare rezidente pranë qendrës ‘Australia’ në Potsdam. “Stasiland” është përzgjedhur për çmimin Libri i Parë i “Guardian” 2003, në Australi për çmimin Libri i Vitit dhe çmimin letrar kryesor të Kuinslendit për letërsi publicistike.